• പതിരില്ലാത്ത സത്യം പതിവായി...
  • ആരും പറയാത്ത സത്യം ഞങ്ങള്‍ പറയും...
  • സത്യം നിത്യവും നിങ്ങളുടെ വിരല്‍ തുമ്പില്‍...
  • മലയാള മാധ്യമ രംഗത്ത് ഒരു പുത്തന്‍ സൂര്യോദയം...
  • വാര്‍ത്താമാധ്യമം ജനാധിപത്യത്തിന്‍റെ കാവലാകുന്ന ഇടം...

23

APRIL 2019
TUESDAY
02:22 PM

Kochi
+24°C
Malayalam Breaking News Logo
Kochi
+24°C

ട്വിറ്ററിലും അരങ്ങേറ്റം കുറിച്ച് പ്രിയങ്ക; മിനുട്ടുകള്‍ക്കുള്ളില്‍ ഫോളോ ചെയ്യുന്നവരുടെ എണ്ണം പതിനായിരം കടന്നു

By Web Desk    February 11, 2019   
priyanka

ദില്ലി: സജീവ രാഷ്ട്രീയ പ്രവേശനത്തിന് പിന്നാലെ ട്വിറ്ററിലും അരങ്ങേറ്റം കുറിച്ചിരിക്കുകയാണ് കോണ്‍ഗ്രസ് ജനറല്‍ സെക്രട്ടറി പ്രിയങ്ക ഗാന്ധി. ഉത്തര്‍പ്രദേശിലെ മഹാറാലിക്ക് തൊട്ടുമുന്‍പാണ് പ്രിയങ്ക ട്വിറ്ററില്‍ പുതിയ അക്കൗണ്ട് ആരംഭിച്ചിരിക്കുന്നത്. മിനുട്ടുകള്‍ക്കം പതിനായിരത്തിലധികം പേരാണ് ട്വിറ്ററില്‍ പ്രിയങ്കയെ പിന്‍തുടര്‍ന്നത്.

കോണ്‍ഗ്രസിന്റെ ഔദ്യോഗിക പേജില്‍ 11.49 നാണ് പ്രിയങ്ക ട്വിറ്റര്‍ പേജ് ആരംഭിച്ച കാര്യം ട്വീറ്റ് ചെയ്തത്. 15 മിനുട്ട് കഴിഞ്ഞപ്പോഴേക്കും ഫോളോ ചെയ്യുന്നവരുടെ എണ്ണം അയ്യായിരം കഴിഞ്ഞിരുന്നു. ആദ്യ മണിക്കൂറായപ്പോഴേക്കും എണ്ണം 25000 മായി. സഹോദരനും പാര്‍ട്ടി അധ്യക്ഷനുമായി രാഹുല്‍ ഗാന്ധി ഉള്‍പ്പടെയുള്ളവര്‍ പ്രിയങ്കയെ ഫോളോ ചെയ്യുന്നുണ്ട്. എന്നാല്‍ പ്രിയങ്ക ഇതുവരെ ട്വീറ്റ് ചെയ്തിട്ടില്ല.

നാല് ദിവസത്തെ സന്ദര്‍ശനത്തിനായി പ്രിയങ്ക ഗാന്ധി ഇന്ന് യുപിയില്‍ എത്തിയിരിക്കുകയാണ്.  രാഹുലും പ്രിയങ്കയും നേൃത്വം നല്‍കുന്ന റോഡ് ഷോ ആരംഭിച്ചുകഴിഞ്ഞു. പടിഞ്ഞാറന്‍ യുപിയുടെ ചുമതലയുള്ള ജനറല്‍ സെക്രട്ടറി ജ്യോതിരാദിത്യസിന്ധ്യയും ഇരുവര്‍ക്കുമൊപ്പം റാലിയില്‍ പങ്കെടുക്കുന്നുണ്ട്. ഫെബ്രുവരി 15വരെ പ്രിയങ്ക സംസ്ഥാനത്തുണ്ടാവും.

പൊളിറ്റിക്കല്‍ ടീമിന്റെ നിര്‍ദേശപ്രകാരം കോണ്‍ഗ്രസിന് ഒട്ടും സാധ്യതയില്ലാത്ത മണ്ഡലങ്ങളില്‍ നിന്ന് പ്രവര്‍ത്തനം തുടങ്ങാനാണ് പ്രിയങ്ക ലക്ഷ്യമിടുന്നത്. നാല് ദിവസത്തെ സന്ദര്‍ശനത്തിനിടയില്‍ ദിവസത്തില്‍ പതിമൂന്ന് മണിക്കൂര്‍ വെച്ച് പ്രചരണ രംഗത്ത് സജീവമായിരിക്കാനാണ് തീരുമാനം. പ്രധാനമന്ത്രി നരേന്ദ്രമോദിയുടെ വരാണാസിയും യോഗി ആദിത്യനാഥിന്റെ ശക്തി കേന്ദ്രമായ ഗോരഖ്പൂരും പ്രീയങ്ക ഏറ്റെടുത്ത മണ്ഡലങ്ങളില്‍ ഉള്‍പ്പെടുന്നവയാണ്. 42 മണ്ഡലങ്ങളാണ് പ്രചരണത്തിനായി പ്രിയങ്ക ഗാന്ധി ഏറ്റെടുത്തിരിക്കുന്നത്. ഏറ്റെടുത്തിരിക്കുന്ന മണ്ഡലങ്ങളില്‍ സംഘടനാ സംവിധാനം ശക്തിപ്പെടുത്തുന്നടതക്കമുള്ള ചുമതലകള്‍ പ്രിയങ്കാ ഗാന്ധി നിര്‍വഹിക്കും.

 

Related News
Leave your comment
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ഇതില്‍ മലയാളം ബ്രേക്കിഗ് ന്യൂസ്‌ ഉത്തരവാദി ആയിരിക്കില്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.
Malayalam Breaking News