• പതിരില്ലാത്ത സത്യം പതിവായി...
  • ആരും പറയാത്ത സത്യം ഞങ്ങള്‍ പറയും...
  • സത്യം നിത്യവും നിങ്ങളുടെ വിരല്‍ തുമ്പില്‍...
  • മലയാള മാധ്യമ രംഗത്ത് ഒരു പുത്തന്‍ സൂര്യോദയം...
  • വാര്‍ത്താമാധ്യമം ജനാധിപത്യത്തിന്‍റെ കാവലാകുന്ന ഇടം...

23

APRIL 2019
TUESDAY
02:10 PM

Kochi
+24°C
Malayalam Breaking News Logo
Kochi
+24°C

ചട്ടവിരുദ്ധ നിയമനം: കിര്‍ത്താഡ്‌സില്‍ നിയമവിരുദ്ധമായി നാലുപേരെ നിയമിച്ചതിനു പിന്നില്‍ മന്ത്രി എകെ ബാലന്റെ ഇടപെടലെന്ന് ഫിറോസ്

By Web Desk    February 11, 2019   
ak-balan-pk-firos

മന്ത്രി എകെ ബാലന്റെ അസിസ്റ്റന്റ് പ്രൈവറ്റ് സെക്രട്ടറി മണിഭൂഷണ്‍ ഉള്‍പ്പെടെ നാല് പേര്‍ക്ക് കിര്‍ത്താഡ്‌സില്‍ ചട്ടവിരുദ്ധമായി നിയമനം നല്‍കിയെന്ന് യൂത്ത് ലീഗ് നേതാവ് പികെ ഫിറോസ്. ചട്ടം 39 പ്രകാരം നിയമനം ലഭിച്ചവര്‍ക്ക് അടിസ്ഥാന വിദ്യാഭ്യാസ യോഗ്യത പോലുമില്ല. ഇതിന് പിന്നില്‍ മന്ത്രി എകെ ബാലന്‍ ഇടപെട്ടുവെന്നും പികെ ഫീറോസ് കോഴിക്കോട്ട് ആരോപിച്ചു.

പട്ടികജാതിവര്‍ഗ വകുപ്പിന് കീഴിലുള്ള കിര്‍ത്താഡ്‌സില്‍ മന്ത്രി എകെ ബാലന്റെ അസി പ്രൈവറ്റ് സെക്രട്ടറിയടക്കമുള്ള നാലുപേരെ സ്ഥിരപ്പെടുത്തിയത് ചട്ടവിരുദ്ധമാണെന്ന ആരോപണവുമായാണ് യൂത്ത് ലീഗ് നേതാവ് പികെ ഫിറോസ് രംഗത്തെത്തിയത്. കിര്‍ത്താഡ്‌സില്‍ താല്ക്കാലിക ജീവനക്കാരായി നിയമനം കിട്ടിയ ഇവര്‍ക്ക് സ്‌പെഷ്യല്‍ റൂള്‍ പ്രകാരം സ്ഥിരപ്പെടുത്തുന്നതിന് ആവശ്യമായ അടിസ്ഥാന യോഗ്യത ഉണ്ടായിരുന്നില്ല.

അടിയന്തിര ഘട്ടത്തില്‍ ഉപയോഗിക്കുന്ന ചട്ടം 39 പ്രകാരമായിരുന്നു നിയമനം. മണിഭൂഷന്റെ നിയമനത്തിന് പിന്നാലെ ആരോപണം ഉയരാതിരിക്കാനാണ് മറ്റുള്ള മൂന്ന് പേരെ കൂടി സ്ഥിരപ്പെടുത്തിയതെന്നും ഫിറോസ് പറഞ്ഞു. ഇഷ്ടക്കാര്‍ക്ക് നിയമനം നല്‍കാന്‍ സര്‍ക്കാര്‍ ചട്ടങ്ങളും നിയമങ്ങളും മറികടക്കുകയാണ്.

അതേസമയം ഇന്‍ഫര്‍മേഷന്‍ കേരളാ മിഷനിലെ ഡപ്യൂട്ടേഷനുമായി ബന്ധപ്പെട്ടുള്ള ആരോപണങ്ങളില്‍ ഫിറോസ് ഉറച്ച് നില്‍ക്കുകയാണ്. വ്യാജരേഖകള്‍ ചമച്ചുവെന്നതടക്കമുള്ള കാര്യങ്ങളെ കുറിച്ചുള്ള അന്വേഷണത്തെ സ്വാഗതം ചെയ്യുന്നു. എല്ലാ രേഖകളും പരിശോധിക്കണമെന്നും താന്‍ തികച്ചും സേഫ് സോണിലാണെന്നും ഫിറോസ് വിശദീകരിച്ചു. അതേസമയം ഫിറോസിന്റെ ആരോപണങ്ങളെ മന്ത്രി എകെ ബാലന്‍ തള്ളി. നിയമനങ്ങളെല്ലാം ചട്ടപ്രകാരമാണെന്നും അദ്ദേഹം വ്യക്തമാക്കി.

Related News
Leave your comment
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ഇതില്‍ മലയാളം ബ്രേക്കിഗ് ന്യൂസ്‌ ഉത്തരവാദി ആയിരിക്കില്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.
Malayalam Breaking News