• പതിരില്ലാത്ത സത്യം പതിവായി...
  • ആരും പറയാത്ത സത്യം ഞങ്ങള്‍ പറയും...
  • സത്യം നിത്യവും നിങ്ങളുടെ വിരല്‍ തുമ്പില്‍...
  • മലയാള മാധ്യമ രംഗത്ത് ഒരു പുത്തന്‍ സൂര്യോദയം...
  • വാര്‍ത്താമാധ്യമം ജനാധിപത്യത്തിന്‍റെ കാവലാകുന്ന ഇടം...

21

MAY 2019
TUESDAY
04:29 PM

Kochi
+24°C
Malayalam Breaking News Logo
Kochi
+24°C

മലയോര മേഖലയുടെ കാത്തിരിപ്പിന് വിരാമമാകുന്നു; ഹൈവേ നിര്‍മാണ പ്രവര്‍ത്തനങ്ങള്‍ക്ക് വേഗം കൂടിയതായി മുഖ്യമന്ത്രി

By Web Desk    January 22, 2019   
pinarayi vijayan

തിരുവനന്തപുരം: സംസ്ഥാനത്തെ മലയോര മേഖലയുടെ ദീര്‍ഘകാലത്തെ കാത്തിരിപ്പിന് വിരാമമാകുന്നു. മലയോര മേഖലയുടെ വികസനത്തിന് സഹായകരമാകുന്ന മലയോര ഹൈവേ നിര്‍മാണ പ്രവര്‍ത്തനങ്ങള്‍ക്ക് വേഗം കൂടിയതായി മുഖ്യമന്ത്രി പിണറായി വിജയന്‍ അറിയിച്ചു. സംസ്ഥാനത്ത് ആറിടങ്ങളില്‍ ഹൈവേ നിര്‍മാണപ്രവൃത്തി ആരംഭിച്ചു. കാസര്‍ഗോഡ് നന്ദാരപടവു നിന്നും തിരുവനന്തപുരം പാറശാല വരെ 1251 കിലോ മീറ്റര്‍ നീളത്തിലാണ് മലയോര ഹൈവെ നിര്‍മിക്കുന്നത്. ഇതില്‍ കാസര്‍ഗോഡ്, കൊല്ലം, തിരുവനന്തപുരം ജില്ലകളിലെ പ്രവൃത്തികളാണ് ആരംഭിച്ചത്.

കാസര്‍ഗോഡ് നന്ദാരപടവ് മുതല്‍ ചോവാര്‍ വരെയുള്ള 23 കിലോ മീറ്റര്‍ ദൂരത്തെ റോഡ് നിര്‍മാണം നാല്‍പ്പത് ശതമാനത്തോളം പൂര്‍ത്തിയായി. 53.93 കോടി രൂപ ചെലവു പ്രതീക്ഷിക്കുന്ന ഈ മേഖലയിലെ പ്രവൃത്തിക്ക് 2018 ജൂണിലാണ് കരാര്‍ നല്‍കിയിരുന്നത്. കാസര്‍ഗോഡ് കോളിച്ചാല്‍ എടപ്പറമ്പ് മേഖലയില്‍ മുപ്പത് ശതമാനത്തോളം പണി ഇതിനകം പൂര്‍ത്തീകരിച്ചു. 24 കിലോ മീറ്റര്‍ ദൂരത്തില്‍ 84.65 കോടി രൂപ ചെലവു കണക്കാക്കിയ പ്രവൃത്തിക്ക് 2018 ജൂലൈയിലാണ് കരാര്‍ ഒപ്പു വെച്ചത്. കൊല്ലം ജില്ലയിലെ കൊല്ലായില്‍ പുനലൂര്‍ മേഖലയിലെ ജോലിയും ആരംഭിച്ചു. 42 കിലോ മീറ്ററില്‍ 200 കോടി രൂപ ചെലവഴിച്ചാണ് നിര്‍മ്മാണം. പാറശാല മുതല്‍ കള്ളിക്കാട് വരെയുള്ള 15 കിലോ മീറ്റര്‍ പ്രവൃത്തിക്കും തുടക്കമായി. കൊല്ലായില്‍ വിതുര – കള്ളിക്കാട് , കൊളിച്ചാല്‍ ചെറുപുഴ റൂട്ടുകളില്‍ ടെണ്ടര്‍ നടപടികള്‍ അന്തിമഘട്ടത്തിലെത്തി എന്നും അദ്ദേഹം പറഞ്ഞു. 

കിഫ്ബിയില്‍ നിന്നുള്ള 3500 കോടി രൂപ ചെലവഴിച്ചാണ് മലയോര ഹൈവേ നിര്‍മാണം. 13 ജില്ലകളിലായി വ്യാപിച്ചു കിടക്കുന്ന മലയോര ഹൈവെ 42 പദ്ധതികളിലൂടെ പൂര്‍ത്തീകരിക്കും. 656 കിലോമീറ്റര്‍ നീളം വരുന്ന 24 പദ്ധതികളുടെ വിശദമായ രൂപരേഖ ഇതിനകം തയ്യാറാക്കി കഴിഞ്ഞു. . ഇതില്‍ 17 പദ്ധതികള്‍ക്ക് അനുമതിയായി. വേഗതയില്‍ പദ്ധതി പൂര്‍ത്തീകരിക്കുന്നതിനാണ് സര്‍ക്കാര്‍ മുന്‍തൂക്കം നല്‍കുന്നത് എന്നും മുഖ്യമന്ത്രി അറിയിച്ചു.

 

Leave your comment
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ഇതില്‍ മലയാളം ബ്രേക്കിഗ് ന്യൂസ്‌ ഉത്തരവാദി ആയിരിക്കില്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.
Malayalam Breaking News