• പതിരില്ലാത്ത സത്യം പതിവായി...
  • ആരും പറയാത്ത സത്യം ഞങ്ങള്‍ പറയും...
  • സത്യം നിത്യവും നിങ്ങളുടെ വിരല്‍ തുമ്പില്‍...
  • മലയാള മാധ്യമ രംഗത്ത് ഒരു പുത്തന്‍ സൂര്യോദയം...
  • വാര്‍ത്താമാധ്യമം ജനാധിപത്യത്തിന്‍റെ കാവലാകുന്ന ഇടം...

21

MAY 2019
TUESDAY
04:23 PM

Kochi
+24°C
Malayalam Breaking News Logo
Kochi
+24°C

ഏത് നടന്റെ ഫാന്‍സും ആയിക്കോട്ടെ, ഒരു നല്ല സിനിമയെ നശിപ്പിക്കരുതെന്ന് മിഖായേലിന്റെ അണിയറ പ്രവര്‍ത്തകര്‍

By Web Desk    January 22, 2019   
mikhael

നിവിന്‍ പോളി നായകനായ ‘മിഖായേല്‍’ കഴിഞ്ഞ വെള്ളിയാഴ്ചയാണ് തിയേറ്ററുകളില്‍ എത്തിയത്. ഒരു സ്‌റ്റൈലിഷ് മാസ്സ് ഫാമിലി ഡ്രാമയായ ചിത്രത്തിന് മികച്ച അഭിപ്രായമാണ് ലഭിക്കുന്നത്. എന്നാല്‍ ചിത്രത്തെ തകര്‍ക്കുന്നതിന്റെ ഭാഗമായി വളരെ മോശം തരത്തിലുള്ള മെസേജുകള്‍ ആണ് സാമൂഹിക മാധ്യമങ്ങള്‍ വഴിയും വാട്‌സ്ആപിലും പ്രചരിക്കുന്നത് എന്ന് അണിയറ പ്രവര്‍ത്തകര്‍ പറയുന്നു.

ചിത്രത്തെ തകര്‍ക്കുന്നതിന് വേണ്ടി കരുതിക്കൂടിയുള്ള പ്രചാരണമാണ് മിഖായേലിനെതിരെ നടക്കുന്നത് എന്ന് അണിയറക്കാര്‍ ആരോപിച്ചു. ഒരു മാസ്സ് ആക്ഷന്‍ ഫാമിലി ചിത്രം എന്ന നിലയില്‍ യുവ പ്രേക്ഷകരേയും ആരാധകരെയും ഫാമിലി ഓഡിയന്‍സിനെയും ഒരുപോലെ തൃപ്തിപ്പെടുത്തുന്ന ചിത്രമാണ് മിഖായേല്‍. ആദ്യ ദിനങ്ങളില്‍ ആരാധകരുടെ ബാഹുല്യമാണ് തിയേറ്ററുകളില്‍ കാണാനായതെങ്കിലും പിന്നീട് ചിത്രത്തെ ഫാമിലി ഓഡിയന്‍സ് ഏറ്റെടുക്കുകയായിരുന്നുവെന്നും അവര്‍ കൂട്ടിച്ചേര്‍ക്കുന്നു.

ചിത്രം ഒരു മാസ്സ് ആക്ഷന്‍ ചിത്രം എന്ന ലേബലില്‍ ആണ് പുറത്തിറങ്ങിയത്. അത്തരം പ്രേക്ഷകരേയും, ഒപ്പം ഫാമിലി പ്രേക്ഷകരേയും തൃപ്തിപ്പെടുത്തി മുന്നേറുന്ന ഒരു ചിത്രത്തെ തകര്‍ക്കുവാന്‍ നടത്തുന്ന ഈ നീക്കങ്ങള്‍ തീര്‍ത്തും അപഹാസ്യമാണ്. നമ്മുടെ യുവ താരങ്ങളുടെ ആരാധകര്‍ പോലും ഇത്തരം തരം താണ പ്രവര്‍ത്തികളില്‍ ഏര്‍പ്പെടുന്നത് വളരെ വിഷമകരമാണ്. ഒരു താരത്തിന്റെ ചിത്രത്തെ പ്രൊമോട്ട് ചെയ്യുന്നതിന് മറ്റൊരു താരത്തിന്റെ ചിത്രത്തെ ഇകഴ്ത്തുന്ന പ്രവണത വരുന്ന തലമുറയിലെ സിനിമാ ആസ്വാദകരില്‍ നിന്നെങ്കിലും തുടച്ചു നീക്കേണ്ടതുണ്ട്.

മിഖായേലിനെ ഒരു സ്‌റ്റൈലിഷ് ആക്ഷന്‍ ഫാമിലി ത്രില്ലര്‍ ഗണത്തില്‍ കണ്ട് അംഗീകരിക്കുവാന്‍ കഴിയുന്നവര്‍ മാത്രം ചിത്രം കാണുക. ചിത്രം എല്ലാ വിഭാഗം പ്രേക്ഷകരേയും തൃതിപ്പെടുത്തുന്നു എന്നിരിക്കെ ചിത്രത്തിനതിരെ നടത്തുന്ന നെഗറ്റീവ് പ്രചാരണം അവസാനിപ്പിക്കുകയും എല്ലാ വിഭാഗം സിനിമകളെയും സ്വീകരിക്കാനും തയ്യാറാവേണ്ടതാണെന്നും അണിയറ പ്രവര്‍ത്തകര്‍ കൂട്ടിച്ചേര്‍ത്തു.

 

Related News
Leave your comment
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ഇതില്‍ മലയാളം ബ്രേക്കിഗ് ന്യൂസ്‌ ഉത്തരവാദി ആയിരിക്കില്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.
Malayalam Breaking News